FIFA është duke bërë një hetim rreth përdorimit të laserëve nga disa tifozë

FIFA ka deklaruar se është duke bërë një hetim rreth përdorimit të dritave laserike nga disa tifozë në stadiume që me sa duket u kanë shkaktuar pengesa futbollistëve.

Më të zëshmit në ankesa për përdorim të laserëve kanë qenë argjentinasit pas përfundimit të ndeshjes me Nigerinë ku fituan me rezultat 1:0. Në kumtesën zyrtare të FIFA-s ndër të tjera thuhet: “ne kemi vërejtur se dikush përdorte rrezet laser për të penguar futbollistët e Argjentinës dhe lidhur me këtë kemi kërkuar shpjegim zyrtar nga sigurimi i stadiumi.

Mirëpo, nuk kemi pranuar ankesë zyrtare nga asnjë reprezentacion deri më tani për këtë çështje”. Laserët janë pengesa e radhës për futbollistët, përveç vuvuzelave që shkaktojnë zhurmë shumë të madhe dhe pengojnë komunikimin ndërmjet lojtarëve dhe trajnerëve.